Mere raazdan, Meri Baat sunn..!
Yeh jo chaar soo hain udaasiyan,
Yeh jo teergi ka hissar hai.
Dil e Muntazir ki shikastagi,
Innhe chahaton ki bahar de.
Mere charah garr, Mere bekhabar..!
Mere dil ke kachche makkan mein,
Kabhi nannge paun utar zara.
Na sawal hun, Na jawab hun.
Na shikayatein, Na Wazahatein.
Na hi koyi hurf e malal ho.
Meri aankh ho tera aayina,
Teri aankh ho mera aayina.
Mera ek pal tu mujhe mille,
Meri ikk duwa to qabool ho.
Shabb e Hijar, Tere ghuroor par
Kabhi chandani ka nazool ho..
Mere raazdan, Meri Baat sunn..!
