Maturity ka ek level ye hota hai ke,
Aap wazahat dena chhord dete hain. Khamush ho jate hain.
Behas nahi karte agar koyi aap kjo bura bhala bhi keh de to ye keh kar muskura kar aage barh jaate hain ke " Yes I am". Iss ka matlab ye nahi hota ke aap sach mein waise hi hote hain.
Farq sirf ye hai ke wo baat aap ke liye ahmiyat hi nahi rakhti.
Gaadi ke peeche kuch fasile tak kutta bhonkta aur daudta hai.
Na ye kutta aap se gaadi chheenna chahta hai.
Na gaadi mein baithna chahra hai.
Aur na hi usse gaadi chalaani hai.
Bas khuwa makhuwa bhonkna uss ki aadat hai.
Aise hi zindagi ke safar mein jab aap apni manzil ki taraf rawan dawan hote hain.
To kuch issi adat ke loag bina kisi maqsad ke aap ki rah mein rukawat dalne ki koshish karte hain.
Iss liye jab aap apni manzil par rawan dawan hon aur loag aap ki raah mein rukawatein dalne ki koshish karein to un se ulajhne ke bajaye apni manzil ki taraf rawan dawan rahein.
Aap ko talkh nahi hona, Aap ko badla lene wala nahi banna.
Aap ko chaalein chalne wala, Jaal bichhane wala bhi nahi banna.
Aap ko aisa bhi nahi hona ke aap shatir kehlayin.
Aur aisa bhi nahi karna ke aap gaddhe khodein.
Zakham hain, Aur dil par hain, Aur rooh par hain, Lekin unke liye marham badla le kar tayar na karein.
Marham aasmani hi achhe hote hain.
Marham rehmani hi shifa dete hain.
Chhord dein jo hua. Jaane dein jisne jo kiya.
Apne pichhle darwaze band karke aage badh jaayein.
Zakhm dene walon, Rooh ko roondh dene walon ko unn ke haal par chhord kar apna haal theek karein.
Kyun ke aap ko wo nahi banna jo halaat aap ko bana rahe hain.
Aap ko wo banna hai jo aamaal banate hain.
"Rabb ka banda".. Banda momin....Insaan..
In sha allah.. Kamiyabi aap ki muntazir rahegi.
Muskurayein..... Aur muskurahatein baatein.
