Jantar mantar dhagge shagge jaadu tonne walon ne
Terei khatir kya kya seekha tujh ko khone walon ne
Ek talsmi sarghoshi par main ne mudd kar dekha tha
Mujh ko pathar hote dekha pathar hone walon ne
Achhe ki umeed pe kitne mushkil din kat jate hain
Khuwab mahal ke dekhe aksar khaak pe sone walon ne
Kitni maao'n ne bachon ko baato'n mein uljhaya tha
Galiyon mein awazein dein jis waqt khilone walon ne
Ek tarf to yaadein thi aur ek taraf Deewan E Meer
Dekh fizaa afsurda kardi karb se rone walon ne
Ism e yaar ka wird wazeefa kar ke waqt guzara hai
Ek tasbeeh bana di teri yaad pirone walon ne.
