Aao muhabbat ki baat karte hain,
Bahut din huwe hum muskuraye nahi.
Muhabbat ki baatein,
Wo muhabbat jo hum ne kabhi ki hi nahi
Jhoot moot ki muhabbat,
Jiss ke qissey hum tumhein aksar sunatey hain.
Wo muhabbat jo kabhi hum ko hansati hai.
Aur kabhi rulati hai..
Jiss ke honey ka khayal hum din raat,
Apney humrah dekhtey hain.
Mubadda kahin koi mil jaye,
Jissey batana hoo.
Ke haan,
Hai,..
Bilkul hoti hai..
Aur jab ho jaye to...!
Yun hota hai......Yun hota hai.
Kabhi kahin yunhi koi pooch le garr hum se..
Kya padi thi jo muhabbat ki?....!
To ham kabhi muskura ka kabhi talmala kar
Iss jhoot moot ki muhabbat par ilzaam dharte hain.
Aur ghanton kooste hain uss ko
Chalo aaj bahut din ke baad aisa hi kuch karte hain
Ke aaj bahut fursat hain,
Kissi ko yaad karte hain.
Kissi ka naam lete hain.
Koyi faryaad karte hain.
Kissi khayal mein gumm ho karr
Musalssal muskurate hain.
Ke bahut din huwe.... Hum muskuraye nahi..
