Ussay kehna
Bichhadne se muhabbat to nahi marti
Bichhadna muhabbat ki sadaqat ki alamat hai
Muhabbat ayen fitrat hai
Aur fitrat kab badalti hai?!
Soo jab hum door hojayen..
Naye rishton mein khoo jayein,,
To ye mat soch lena tum,!
Muhabbat mar gayi hogi..
Nahi aissa nahi hoga.
Mere baare me sunn ke jab,
Tumhari aankh bhar aye..,,
Chhalak kar ek bhi aansu
Palak par jo utar aye
To bass itna samjh lena
Jo mere naam se itni
Tere dil me aqeedat hai..
Tere dil mein bichhad kar bhi
Abhi meri muhabbat hai
Muhabbat jo bikhar kar bhi,,!
Sadaa abaad rehti hai
Muhabbat ho kisi se to..!
Hamesha yaah rehti hai
Muhabbat waqt ke be-rahem,
Toofan se nahi darti,
Ussey kehna...
Bichhadne se,,,Muhabbat to nahi marti..
